Liria i beson Samuel Nikajt për rikthim

Skuadra prizrenase, Liria, arriti marrëveshje me trajnerin shkodran Samuel Nikaj.

Nikaj është i njohur me inkuadrimin e skuadrava nga Liga e Parë në Superligë, gjë që e ka bërë me Flamurtarin e Vushtrrinë në Kosovë, si dhe me Kastriotin në Shqipëri, prandaj për të njejtën detyrë është emëruar edhe nga klubi prizrenas.

Liria stinorin e kaluar nuk arriti të mbetet në Superligë, derisa synimi sezonin që vjen është rikthimi në elitën e futbollit kosovar përsëri.