Liria mposhtet nga Zeta malazeze

Në miqësoren e luajtur në kuadër të përgatitjeve parasezonale që po i zhvillon në Ulqin, Liria e Prizrenit është mposhtur nga skuadra e Zetës me rezultat 0-2. Kjo skuadër garon në Ligën e Parë të Malit të Zi.

Pjesa e parë u mbyll pa gola, ndërsa në të dytën malazezët shënuan dy herë për fitoren 0-2. Vlen të përmendet që në këtë pjesë prizrenasit e ndërruan komplet skuadrën startuese, me qëllim provimin e të gjithë lojtarëve para fillimit të sezonit pranveror.

Miqësoren e ardhshme Liria e luan të premten ndaj skuadrës së Deqiqit.