Liria-Prishtina, miqësore në fundjavë

Prishtina ka mposhtur sot Besën në Pejë në miqësoren e parë mes dy gjysmëstinorëve 1-4. 

Mirëpo, djelmoshat e Sami Sermaxhajt do të zhvillojnë edhe një miqësore në ditët në vijim. Sipas informacionit të botuar në faqen zyrtare të Lirisë së Prizrenit, ekipi bardhezi do të takohet me bardhekaltërit të dielën për miqësoren e radhës të këtyre të fundit. 

“Ky është një rast i mirë që të rishikohet forma e secilit lojtar, e sidomos të rinjëve, me të cilët trajneri i ekipit Erdogan Celina po punon enkas,” ka thënë në këtë njoftim drejtori i klubit prizrenas, Erxhan Dana. 

Takimi Liria - Prishtina, dy skuadra me emër që po përjetojnë stinor të vështirë, zhvillohet të dielën me fillim në ora 13 në stadiumin “Përparim Thaçi” të Prizrenit.