Prishtina mposht Besën në miqësore

Prishtina ka arritur të shënojë fitore në ndeshjen ndaj Besës sot 1-4. Ndeshja miqësore messezonale u ka takuar plotësisht bardhekaltërve në pjesë të dytë, pasi që pjesa e parë kaloi baraz 1-1. 

Labinot Osmani, golashënuesi më i mirë i stinorit të kaluar shënoi për epërsinë e Prishtinës, ndërsa barazoi Fetim Kasapi për të çuar skuadrat në pushim të qetë. 

Mirëpo, në pjesë të dytë falë lojës së bukur dhe kombinimeve të shpejta të djelmoshave të Sami Sermaxhajt, Prishtina ka arritur të shënojë edhe tre herë në portën e ekipit pejan për t’i mposhtur 1-4 në fund.