Lirohen biletat e finales

UEFA do të shesë 16 mijë e 800 bileta me çmimin prej 60 funtave për copë, çmim ky i cili paraqet lirim drastik krahasuar me finalen e vitit 2011, kur bileta ka kushtuar 150 funta me 26 funta shtesë administrative. 

Nga 86 mijë bileta në dispozicion për finalen më të madhe të futbollit europian, 59 mijë do të shkojnë për tifozët të ndara në këtë mënyrë: tifozët e ekipeve finaliste do t’i marrin nga 25 mijë bileta derisa 9 mijë tjera do të shiten përmes faqes zyrtare të UEFA-së. 

Biletat tjera, që do të jenë më të shtrenjta dhe të ndara në kategori do të shiten prej 140 deri në 330 funta për copë, derisa 27 mijë do t’iu dhurohen federatave europiane, sponsorëve dhe mediave.