Lista ndaj Turqisë del më 8 nëntor

Albert Bunjaku, përzgjedhës i përfaqësueses së Kosovës në futboll, ka bërë të ditur se lista e lojtarëve që do ftohen për ndeshjen kualifikuese për Kampionatin Botëror “Rusia 2018” ndaj Turqisë, do të publikohet më 8 nëntor.

Kosova në kuadër të xhiros së katërt të Grupit I kualifikues ndeshet me Turqinë në Antalya më 12 nëntor 2016. Kjo do të jetë edhe ndeshja e fundit kualifikuese për këtë vit për Kosovën.

TABELA E GRUPIT DHE ORARI I NDESHJEVE

Për këtë ndeshje, Kosova nuk do të mblidhet fare në vend, por lojtarët do të paraqiten në Antalya për këtë duel.

Kosova është duke debutuar në kualifikime dhe nga tri ndeshjet e para ka fituar një pikë nga Finlanda si mysafire. Ndaj Kroacisë dhe Ukrainës ka humbur.