Liverpool gjen rrugën e fitores

Skuadra e Liverpoolit i ka dhënë fund serisë së zezë. Ekipi nga Anfield Road ka arritur ta mposht West Bromwichin në shtëpi të vet, për t’iu kthyer fitoreve pas tre javësh.

Goli i parë në ndeshje erdhi në minutat e fundit të pjesës së parë nga përforcimi i sivjetëm i të kuqëve, Adam Lallana. Në pjesën e dytë, përkatësisht në minutën e 11’ të saj, Berahino e barazoi rezultatin në 1-1 duke shënuar nga penalltia.

Megjithatë  rezultati u kthye përsëri në të mirë të Liverpoolit vetëm pas pesë minutash lojë me golin e Jordan Hendersonit.

Kjo ishte fitorja e tretë e Liverpoolit për këtë stinor, i cili tashmë ka gjithsej dhjetë pikë pas shtatë ndeshjeve të zhvilluara, derisa West Bromwichi mbetet disa pozita më poshtë me dy pikë më pak.

Rezultatet dhe tabela aktuale.