LIVERPOOL - WEST HAM
Foto: Premier League
Liverpooli gabon përsëri
11 December, 2016 @19:18
Pas humbjes nga Bournemouthi xhiron e kaluar, Liverpooli ka lëshuar pikë përsëri.
Këtë xhiro skuadra e drejtuar nga gjermani Klopp u ndal në barazim nga West Ham United, me takimin që u mbyll me shifrat 2-2.
Liverpooli e filloi mirë ndeshjen duke kaluar në epërsi me golin e Lallanas, mirëpo mysafirët reaguan dhe e mbyllën pjesën e parë me rezultat 1-2.
Me të filluar pjesa e dytë, Liverpooli shënoi përmes Origit, i cili e shfrytëzoi një gabim trashanik të portierit mysafir, mirëpo goli i fitores nuk erdhi dhe ndeshja u mbyll pa fitues.
Ky barazim bën që Liverpooli të mbetet 6 pikë prapa Chelseat lider në tabelë.
