BAJRAM ALIU - SKENDERAJ
Llamkosi ndal serinë e fitoreve të Ferronikelit
21 September, 2014 @17:52
Super seria prej 4 fitoreve me radhë e Ferronikelit, ka përfunduar sot, pasi që djelmoshat e Gani Sejdiut, u ndalën nga kampioni aktual, Llamkos Kosova.
Ndeshja u tregua të jetë shterpe dhe pa gola, përkundër se Ferronikeli në disa raste u tregua më serioz, por ekipi i Ismet Munishit, falë përvojës së disa mbrojtësve, ka arritur të neutralizojë gjithçka, për të nxjerrë pikë në udhëtimin e vështirë në Bajram Aliu të Skenderajt.
Sidoqoftë, me pikën e fituar, që ka qenë barazimi i parë i stinorit për Ferronikelin, ata vazhdojnë të jenë ndjekësit e vetëm të liderit, pasi që kanë tre pikë më pak.
Në anën Llamkos Kosova ka regjistruar barazimin e dytë dhe ka përfunduar xhiron në vend të pestë të tabelës.
REZULTATET, TABELA DHE NDESHJET E RADHËS.
