DERBI
Llamkosi s’fal, Besa pa fitore
16 November, 2014 @15:45
Kampionja e Kosovës edhe njëherë ka treguar fuqinë e saj përkundër se djelmoshat në fushë, ende nuk kanë marrë rrogë, edhe pas nëntë muajve.
Llamkos Kosova ka mposhtur Besën 2-0 në Vushtrri sot, për të treguar edhe njëherë se paraja nuk është gjithçka për ekipin e trajnerit Bekim Shotani, që po vazhdon mirë me ekipin e lënë nga Ismet Munishi.
Besa përkundër se në pjesën e dytë pati më shumë se lojë, raste të panumërta, nuk arriti të barazojë rezultatin derisa ishte 1-0 për vushtrriasit, e 15 minuta para fundit, kur pritej barazimi, Labinot Ahmeti arriti të shënojë nga gjuajtja e lirë duke goditur përtoke për të shënuar edhe njëherë në rrjetën e Flamur Nezirit - dhe përcaktuar fituesin e ndeshjes.
Besa tashmë 4 xhiro nuk ka arritur të shënojë fitore në Superligë.
Kampioni ngritet në pozitë të tretë të tabelës pas kësaj fitoreje, derisa Besa bie në pjesë të poshtme të tabelës.
