FFK
Llamkosit 800€ gjobë
17 May, 2014 @17:02
Skuadra lidere e Superligës së Kosovës, Llamkos Kosova, që po lufton për titullin e parë të kampionit të Kosovës, është dënuar me 800 euro nga Federata e Futbollit të Kosovës.
Ky dënim për vushtrriasit ka ardhur pasi që janë evidentuar lëshime të pjesërishme në organizimin e ndeshjes së xhiros paraprake ndaj Dritës.
Hedhje e gjësendeve në fushë, sharje në kor, goditje e gjyqtarit në kokë me shishe të plastikës, kanë qenë ndër incidentet më të mëdha të kësaj ndeshjeje që shtyen FFK-në t’ua shqiptojë këtë dënim vushtrriasve.
Përveç ekipit, edhe portieri i Llamkos Kosovës, Petrit Tahiri është dënuar me dy ndeshje moslojë, për shkak të ndëshkimit me karton të kuq (prekje me dorë jashtë 16 metërshit).
