PODUJEVË
Llapi eliminon Prishtinën në këtë terren
11 March, 2015 @15:06
Skuadra lidere e Ligës së Parë të Kosovës, Llapi ka arritur të eliminojë Prishtinën nga garat e Kupës së Kosovës.
Llapjanët kanë arritur të shënojnë fitore me rezultat 2-1 në një terren që i ngjante gjithçkaje përveç asaj të futbollit.
Sidoqoftë, me të nisur loja, Dardan Jashari shënoi për epërsinë e Llapit, derisa mesfushori kreativ i Prishtinës Mentor Zhdrella barazoi në 1-1 me një gol nga gjuajtja e lirë.
Në fund të pjesës së parë, Llapi avancoi 2-1, kur Mërgim Boshnjaku shfrytëzoi një top në zonë, që u ndal para Kushtrim Mushicës në terrenin aspak të përshatshëm për lojë.
E pasi që pjesa e dytë nuk solli gola më shumë, ekipi nga Podujeva ka bërë befasinë e rrethit të dytë të Kupës, duke u plasuar në çerekfinale për të eliminuar Prishtinën.
