Hidhërohet me mediat

Real Madrid për pak kapituloi mbrëmë në Ligë të Kampionëve nga Schalkeja gjermane. Humbja me rezultat 3-4 përkundër se kualifikoi madrilenët, la shije të hidhur në Santiago Bernabeu. 

Shamitë e bardha të tifozëve, tradicionale në shprehje të pakënaqësisë me lojën, valuan mbrëmë nëpër Bernabeu, ndërsa fytyra e Cristiano Ronaldos duke shikuar kamerën që i sillej rrotull pas ndeshjes - ka bërë që ai pas ndeshjes të thotë: 

“Nuk do të flas. Nuk do të flas më me mediat deri në fund të stinorit.” 

Cristiano Ronaldo shënoi dy gola të mrekullueshme me kokë mbrëmë, veçanërisht ai i dyti kur vrapoi mbi dhjetë metra për të ndjekur trajektoren e topit për të barazuar rezultatin në 2-2. 

Në fund, portieri Iker Casillas, disi si me zor, i detyroi futbollistët tjerë që dukej të ishin të pakënaqur, të shkojnë te tifozët dhe t’i përshëndesin ata nga afër. 

E për të bërë edhe me shumë të pakënaqur Topin e Artë, Ronaldo, mediat kanë kapur atë duke i thënë Karim Benzemasë, “kjo është turp”, menjëherë pas fishkëllimës së gjyqtarit. 

Real Madrid me rezultat të përgjithshëm 5-4 nga të dyja ndeshjet arriti të kualifikohet në çerekfinale të Ligës së Kampionëve. 

Los Blancos janë kampion aktual të Europës dhe po kërkojnë që të mbrojnë titullin europian, një gjë të cilën mbi dy dekada nuk e ka arritur asnjë ekip europian.