Porto, lehtë në çerekfinale

​Porto është ekipi i radhës që kalon në tetëshen më të mirë europiane të këtij stinori pasi që mposhti thellë Baselin e shqiptarëve në Dragao, 4-0. 

Taulant Xhaka dhe Shkelzen Gashi nisën ndeshjen nga minuta e parë, por ishin të pafuqishëm karshi ekipit portugez me përvojë në Champions League. 

Pjesë e ekipit të Baselit ka qenë edhe mbrojtësi Arlind Ajeti, i cili nuk fitoi rastin për tu paraqitur sonte në ndeshje.

Porto kualifikohet me rezultat të përgjithshëm 5-1 në çerekfinale, pas fitores së thellë sonte, derisa Gashi e Xhaka, bashkë me Ajetin përshëndeten nga Liga e Kampionëve për këtë stinor.