DFL SUPERCUP
Lordi vendosi kështu
2 August, 2015 @10:33
Bayern Munchen për herë të tretë rresht është mposhtur në ndeshjen e Superkupës së Gjermanisë.
Kampioni gjerman megjithëse kësaj radhe ishte afër ta dërgojë Superkupën e pestë në muzenë e tij, një gjë e tillë u pamundësua nga sulmuesi danez i Wolfsburgut, Nicklas Bendtner.
Në të vërtetë bavarezët kaluan të parët në epërsi me anë të Arjen Robbenit në minutën 49’, pas një karamboli para portës së portierit Casteels.
Mirëpo kur ishte afruar fundi i ndeshjes, në skenë doli Bendtner, duke shënuar në minutën 89’ pas krosimit të De Bruyne nga krahu i djathtë.
Rezultati i barabartë detyroi që fituesi të përcaktohet pas penalltive, ku Wolfsburgu u tregua më i saktë duke fituar me rezultat 5-4.