Loro Boriçi, edhe për Ligë të Kampionëve

Federata Shqiptare e Futbollit në bashkëpunim me UEFA-në dhe shtetin shqiptar pritet të investojnë 10 milionë euro për rindërtimin e stadiumit të Vllaznisë së Shkodrës, Loro Boriçi. 

Sipas informacioneve të botuara në Panorama Sport, stadiumi pritet të cilësohet nga UEFA-ja me 4 yje, nëse gjithçka ndërtohet sipas planit. 

Përveç ndeshjeve kualifikuese për Kampionate Europiane dhe Botërore, thuhet se aty do të mund të luhen edhe ndeshje të fazës grupore të Ligës së Kampionëve. 

Boriçi pritet të ketë kapacitet prej 17 mijë ulëseve, tribunë qendrore të rikonstruktuar prej fillimit, me ambiente komode dhe të cilësisë së lartë.