Lazio kërkon Gashin

Loja e mirë e Shkëlzen Gashit nuk ka mbetur pa u vërejtur në Itali, e veçanërisht nga ish sulmuesi i kombëtares shqiptare, Igli Tare. 

Tare që aktualisht është drejtor sportiv te Lazio, ka nisur të punojë që të përafroj sulmuesin e Baselit, Shkëlzen Gashi, te Lazio. 

Sipas LaLazioSiamoNoi.it Tare është takuar me babain e futbollistit, ndërsa pasaporta e tij zvicerane i konvenon edhe ekipit romak. 

Problemi i vetëm mbetet dëmshpërblimi siç shkruan kjo faqe, pasi që kampioni zviceran nuk dëshiron të dëgjojë për oferta nën 8 milionë euro për kartonin e sulmuesit të kombëtares shqiptare. 

Gashi, është shpallë lojtari më i mirë i kampionatit zviceran për vitin e shkuar. Ai është lider i golashënuesve në Zvicër, derisa ka qenë njëri ndër kryesorët në rikthimin e ndeshjes së Shqipërisë ndaj Armenisë, që rezultoi me fitore 2-1. 

Te Lazio aktualisht janë tre futollistë shqiptarë: Lorik Cana, Etrit Berisha dhe Thoma Strakosha.