Celina në FA Cup, fiton City

​Pas humbjes ndaj Evertonit në mesjavë në kuadër të Capital One Cup, skuadra e Pellegrinit ka shënuar fitore si mysafir i Norwichit, për të kaluar në 1/16 e finales së FA Cup. Gjithçka u qartësua shumë shpejt me golat e Agueros e Iheanachos në pjesën e parë.

E gjithë ndeshja i takoi Cityt, të cilët patën shumë raste shënimi, por që arritën të shënojnë vetëm edhe një herë në pjesën e dytë përmes belgut Kevin De Bruyne. Ndeshja u mbyll me rezultat 0-3.

Vlen të përmendet fakti që në këtë ndeshje për Citizens për disa minuta u paraqit edhe lojtari i përfaqësueses së Kosovës, Bersant Celina.

Bersant Celina ka hyrë në 5 minutat e fundit të ndeshjes për të zëvendësuar Kelechi Iheanachon.