Lukaku mban gjallë shpresat për TOP 4

Tifozët e të dyja palëve sot në Goodison Park kanë parë gola të bukur në ndeshjen ku Everton ka mposhtur Southamptonin 2-1. 

Seamus Coleman me një gol të bukur individual ka dërguar në epërsi ekipin e kaltër nga Liverpooli, me të cilin gol ka përfunduar pjesa e parë 1-0. 

Mirëpo, ekipi i trajnerit Mauricio Pochettino ka arritur të mbajë gjallë shpresat për pikë pas një goli të hatashëm të uruguajanit Gaston Ramirez në minutën e 71-të. 

E për ti shuar shpresat e tyre u përkujdes huazimi i vitit, Romelu Lukaku, i cili pranoi një top të bukur nga James McCarthy dhe shënoi mjeshtërisht me të majtën e tij. 

Ky ka qenë goli i nëntë i stinorit për belgun e huazuar nga Chelsea për Evertonin, derisa goli i tij i parë në gjashtë ndeshjet e fundit. 

Me këtë fitore Everton ka kaluar në vendin e katërt të tabelës duke dalë mbi Liverpoolin që luan sot më vonë. 

Rezultatet dhe tabela aktuale.