Maliqi, stërvitet fortë për rikthim të shpejtë

Behar Maliqi, lojtari më i mirë i stinorit të kaluar në Superligë të Kosovës, pasi që u shpallë kampion dhe fitoi Kupën me Ferronikelin, u lëndua në ndeshjen e xhiros së kaluar ndaj Gjilanit. 

Maliqi, i cili tashmë është në fazën e përgatitjeve për rikthim, ka postuar një fotografi nga qendra e fitnesit, ku shihet duke stërvitur me këmbën e tij, derisa paralajmëron kthimin sa më të shpejtë të mundur te ekipi i tij. 

Ferronikeli në 5 xhirot e para të Superligës ka regjistruar 4 fitore dhe vetëm 1 humbje, pikërisht në këtë ndeshje që u lëndua Maliqi. 

Ai pritet t’i mungojë kampionit për afërisht një muaj, derisa të rikthehet i shëruar nga lëndimi.