ANALIZA
Foto: Manchester United Official
Ai është i mrekullueshëm!
21 September, 2015 @11:46
Edhe pse kushtoi shumë dhe u kritikua mjaft ekipi për blerjen e tij, Manchester United menjëherë po merr frytet e sulmuesit 50 milionë eurosh, Anthony Martial.
I ardhur nga Monacoja, Martial, tashmë ka shënuar 3 gola në dy ndeshje të zhvilluara, në total prej 115 minutash të kaluara në fushë.
Për ata që u intereson më shumë, Martial ka dalë nga shkolla e Olympique Lyonit, derisa në vitin 2014 e merr Monacoja, që i jep rastin menjëherë në ekip të parë dhe ai e shfrytëzon rastin.
“Ai është absolutisht i mrekullueshëm. Ata nuk kanë shpresuar në kaq. Lojtari ka pasur presion të madh, pasi që u paguan aq para për ‘të, por si duket kjo nuk i bën fare përshtypje atij, derisa para golit duket të jetë njeriu më i lumtur në botë,” ka thënë ish lojtari i Arsenalit, Martin Keown, për BBC-në duke analizuar cilësitë e sulmuesit të ri të Unitedit.
LETËRNJOFTIMI:
| Emri dhe Mbiemri: | Anthony Martial | ||
| Vendlindja: | Massy | ||
| Shteti: | Francë | ||
| Datëlindja: | 5 dhjetor 1995 | ||
| Pozita: | Sulmues | ||
| Gjatësia dhe Pesha: | 181 cm - 76 kg |
