FERKI ALIU
Vushtrria ngritet me fitore
20 September, 2015 @18:38
Dy golat e Bajram Zuqakut sot kanë ardhur si ilaç për Vushtrrinë, që shënoi fitore të rëndësishme ndaj Dritës. Golat e tij, përveç fitores, i kanë dhënë edhe ngritje në pozitën e pestë vushtrriasve të drejtuar nga Bekim Shotani.
Vushtrria ka qenë dominuese në lojë përgjatë pjesës më të madhe të ndeshjes, derisa Drita ka marrë iniciativë të madhe për gol në 25 minutëshin e fundit të takimit, ku Endrit Krasniqi, rrezikoi më seriozisht, por pa sukses.
Vushtrria tashmë duket se ka gjetur lojën e saj dhe përveç mbrojtjes së fortë, ka gjetur edhe njeriun që do të tund rrjetat rivale.
