SHAHIN HAXHIISLAMI
Rexha, vulos fitoren e Besës
20 September, 2015 @18:09
Ndeshja që cilësohet si derbi i Dukagjinit i ka takuar plotësisht Besës sot. Pejanët kanë qenë më të mirë se prizrenasit dhe kanë shënuar fitore me rezultat bindës, 3-0 në fund.
Kastriot Rexha në 10 minutëshin e fundit të takimit hoqi dilemat e fituesit të ndeshjes kur shënoi dy herë shpejtë në portën e Altik Muhaxhirit të Lirisë.
Në pjesën e parë epërsinë Besës ia kishte dhënë Fisnik Papuqi, duke i mundësuar ekipit të luajë rehat pjesën tjetër të ndeshjes.
Liria është ndalur pas dy fitoreve me radhë, derisa Besa me këtë 3 pikësh ngritet në tabelë.
