A: DRENASI 0-2 MALISHEVA
Malisheva ruan kreun me fitore si mysafir
31 October, 2020 @17:06
Skuadra e Malishevës ka arritur të shënojë fitore shumë të rëndësishme jashtë terrenit të vetë, duke e mposhtur Drenasin 0-2 si mysafir.
Në fitoren prej 0-2 [Dren Kryeziu 41, Albion Rrahmanaj 90] për Malishevën u duk dëshira e madhe e lojtarëve të drejtuar nga Senad Alirifa për të ruajtur kreun e tabelës dhe këtë e arritën në fund.
Pjesa e parë përfundoi me avantazh minimal të mysafirëve, kur Dren Kryeziu shënoi për 0-1 (41), ndërsa në pjesë të dytë, saktësisht në fund të ndeshjes dilemat e fituesit i hoqi Albion Rrahmanaj me golin e tij të shënuar në fund të ndeshjes për 0-2 (90).
Me këtë fitore Malisheva arrin fitoren e pestë të stinorit dhe kuotën e 16 pikëve që ia siguron skuadrës lidershipin së paku edhe për një xhiro tjetër, derisa Drenasi ka shënuar humbjen e tretë radhazi, pasi që pas disfatës nga Vëllaznimi jashtë dhe Liria brenda, tashmë ka humbur edhe një ndeshje tjetër si vendas.