Mallkimi i Guttmann, vazhdon

Benfica përsëri nuk ka arritur të fitojë trofe në Europë. Mallkimi i ish trajnerit të ekipit portugez nga vitet 1961 dhe 1962 - vazhdon të mbetet aktual për Shqiponjat e Lisbonës. 

Ja historia, hungarezi me origjinë izraelite, Bela Guttmann, ka qenë trajner i njohur i kohës në Europë duke ia sjellur Benficës dy tituj europian në vitet 1961 dhe 1962 (Kupën e Kampionëve). 

Mirëpo, pas trofeut të dytë të fituar të Europës, kryetari i klubit të Benficës vendos ta ndërrojë trajnerin pa ndonjë arsye dhe thjesht për të vendosur një mik të tijin në postin e trajnerit të Benficës. 

Duke dalë nga zyra e kryetarit, para të pranishmëve në stadium, hungarezi Guttmann kishte thënë: “Benfica asnjëherë më nuk do të arrijë të fitojë trofe në Europë.” 

Kjo ka qenë finalja e tetë europiane për Benficën pas asaj kohe - natyrisht e humbur. E ky mallkim i tij vazhdon të jetë aktual, derisa gjatë gjithë kësaj kohe sa ka qenë gjallë legjenda e klubit Eusebio, kur Benfica shkonte në një finale - i dërgonte lule në varr Guttmannin, por pa sukses. 

Benfica humbi edhe finalen e vitit të kaluar të Europa League, duke u mposhtur nga Chelsea në minutën e fundit të takimit, 1-2. 

Guttmann ka qenë i njohur si eksperimentues i madh i futbollit dhe ka ndërruar shpesh klube. Ai ka hyrë në histori si trajner i parë që ka ndërprerë dominimin e Real Madridit në finalet e Kupës së Kampionëve të Europës.