Manchester United vazhdon me rekorde

Vazhdojnë rekordet në aspektin financiar tek Manchester United.

Numri i shumtë i sponzorëve të ardhur tek gjigandi anglez në vitet e fundit ka bërë që vlera e klubit të rritet shumë, ndërsa sipas raportit të fundit që u publikua zyrtarisht, United është bërë klubi i parë britanik që ka kaluar shifrën e gjysmë miliardit sa i përket fitimeve brenda 1 sezoni.

Gjatë sezonit 2015/2016, klubi i Manchester United ka fituar 515.3 milionë funte, ndërsa kjo shifër shpjegon më së miri që ky klub mund të shpenzojë pa limit në merkato dhe të mos e rrezikojë asnjëherë shkeljen e rregullave të ‘Fair Play-t financiar’.

I pyetur për këtë, drejtori Ed Woodward u shpreh:

“United është vazhdimisht institucion që po rritet financiarisht dhe të ardhurat do të rriten edhe më tutje në vitin 2017, me apo pa Champions League.”