Mandzukic, largohet nga Bayern!

Sulmuesi kroat i Bayern Munchen, Mario Mandzukic, do të duhet të kërkojë ekip tjetër gjatë verës. 

Me mosmarrjen e tij në finale të Kupës së Gjermanisë që zhvillohet nesër në Berlin, mediat gjermane vetëm sa kanë konfirmuar spekukimet se me ardhjen e Robert Lewandowskit në ekip - nuk do të ketë më vend për shtatëgjatin kroat aty. 

“Ai ka qenë i lënduar, mirëpo ai është në gjendje të luaj. Unë vendosa që të marrë 18 futbollistë me mua në Berlin dhe Mandzukic nuk është në këtë ekip,” është cituar të ketë thënë trajneri i bavarezëve, Pep Guardiola, për versionin gjerman të Eurosportit. 

Mosprezenca e Super Marios në një ndeshje të tillë ka ngjallë edhe te ai dyshime për të ardhmen në Bayern, derisa Sport Bild në Twitter ka njoftuar se Guardiola dje i ka dhënë lamtumirën Mandzukicit.