Maqedonia mezi pret kthimin e Arijan Ademit

Selektori i reprezentacionit të Maqedonisë, Igor Angelovski, ka arritur në Zagreb për tu takuar me futbollistin shqiptar të Maqedonisë, Arijan Ademi, bëjnë të ditur mediat maqedonase sot.

Angelovski u ka thënë mediave se është i lumtur që Ademi po kthehet pas suspendimit dhe ka ardhur t’i jap përkrahje mesfushorit të Dinamos së Zagrebit.

“Arijani ka treguar se është luftarak i madh dhe me padurim presim që ai të kthehet në reprezentacion,” ka thënë ndër të tjera Angelovski shkruan sot Makedonski Sport.

Ndër të tjera, Angelovski do të ndjek edhe ndeshjen derbi në Kroaci, Rijeka-Dinamo Zagreb, për të parë nga afër Leonard Zhutën.

Maqedonia është në një grup kualifikues për Botëror me Shqipërinë dhe është mposhtur nga kuqezinjtë në Shkodër 2-1.

Ademi ishte suspenduar nga CAS për përdorim të substancave të ndaluara në një ndeshje të Ligës së Kampionëve.