Marash Kumbulla zyrtarisht te Roma

Pas transferimit të Vedat Muriqit te Lazio, një shqiptar tjetër është transferuar në kryeqytetin italian.

Bëhet fjalë për mbrojtësin Marash Kumbulla, i cili sot e kompletoi transferimin e tij nga Verona te Roma.

20 vjeçari që mbron ngjyrat e Kombëtarës së Shqipërisë, te Roma fillimisht ka nënshkruar marrëveshje huazimi për 2 vite, ndërsa për të Roma ka dhënë lojtarët Mert Cetin, Matteo Cancellieri dhe Aboudramane Diaby, që do të huazohen te Verona për 2 vite.

Më pas, varësisht nga disa obligime të theksuara në kontratë, lojtarët në fjalë pritet t’i kompletojnë transferimet plotësisht nga një klub te tjetri.