Me rezerva ndaj Evertonit

Trajneri i Manchester Unitedit, Sir Alex Ferguson, do t’i pushojë lojtarët kryesorë të ekipit në ndeshje me Evertonin. 

Kështu u ka thënë ai reporterëve në konferencë për shtyp para ndeshjes së xhiros së XXVI të Premier League. E tëra kjo, do të ndodh për shkak se United do të udhëtojë në Madrid, për ndeshjen e Ligës së Kampionëve ndaj Real Madridit. 

“Unë i besoj të gjithë lojtarëve që i kam në dispozicion. Mund të them se ekipi i së dielës nuk do të jetë i njejtë me atë të së mërkurës. Për këtë ne jemi të fortë në çdo garë,” ka thënë Ferguson. 

Manchester United nesër takohet me Evertonin në Old Trafford, derisa të mërkurën në Santiago Bernabeu ndaj Real Madridit.