Me rezerva ndaj Liverpoolit!

Si duket çdo ndodhi te ekipet e Premier League po çon ujë në mullirin e Liverpoolit që është duke e ndjekur titullin e parë të kampionit për herë të parë prej se quhet kështu gara elite e futbollit anglez. 

Pas ndihmës së jashtëzakonshme të fituar nga Sunderland që ndali ndjekësit kryesor të Liverpoolit në luftë për titull, Manchester Cityn (1-1) dhe Chelsean (1-2), para ndeshjes me londinezët, Liverpool ka gjasa të mira për fitore! 

Pas lëndimit të portieri numër një të Chelseat, Petr Cech dhe mbrojtësit kryesor e kapitenit, John Terry, Jose Mourinho është duke menduar që të fus në derbin e fundjavës ndaj Liverpoolit, ekipin rezervë, ashtu që të jetë sa më i gatshëm për Ligë të Kampionëve, derisa në një mënyrë i bie që po dorëzohen në luftë për titull, që varet nga Liverpooli. 

I pyetur nga ITV Sport se a do të jetë prioritet Liga e Kampionëve apo ndeshja derbi ndaj Liverpoolit, që mund të vendos për titullin kampion të Anglisë dhe a do të del me ekip më të dobët në derbin e fundjavës, portugezi karizmatik është përgjigjur kështu: 

“Mendoj se po, mirëpo për këtë do të bisedojë me zyrtarët e lartë të klubit. Nuk është vendim që do të mund ta merr një menaxher në supe të veta. Thjesht, për këtë vendos klubi, e jo unë,” është cituar të ketë thënë Mourinho për ITV Sport, transmeton Eurosport në lajmet e sotme. 

Chelsea ka rastin që me eliminim potencial të Atletico Madridit, të kualifikohet në finale të Ligës së Kampionëve, ku do të pret fituesin e duelit Bayern - Real Madrid, ndërsa në anën tjetër, ndjekin titullin kampion me 5 pikë më pak se Liverpool, tre ndeshje pa përfunduar kampionati.