Mourinho blindon Costan për 0-0

Chelsea dhe Jose Morinho arritën atë që deshën në Vicente Calderon. Me ekip të koncentruar plotësisht në mbrojtje, ata arritën që të izolojnë sulmet e Atletico Madridit dhe të nxjerrin barazimin 0-0 në ndeshjen e parë gjysmëfinale të Ligës së Kampionëve. 

Vetë përbërja e Chelseat, sonte foli shumë. Largo portierin, Ashley Cole, John Terry, Gary Cahill, David Luiz, Azpilicueta, Obi Mikel e Ramires - të gjithë të orientuar mentalisht në mbrojtje ishin në 11-shen e parë të ekipit londinez, përkundër pozitave në fushë të shpërndara nga Mou. 

Mbrojtja e çeliktë

Pjesa e parë e ndeshjes kaloi në dominim të vendasve. Atletico Madrid kërkonte nga çdo anë të gjente Diego Costan, por John Terry e Gary Cahill - të përkrahur taktikisht nga David Luiz, nuk lëshuan pe asnjëherë gjatë kësaj pjese. 

Dukej se Jose Mourinho, kishte udhëtuar për Madrid për të mos pësuar gol, derisa Fernando Torres i vetmuar në sulm, derisa i vinte përkrahja nga krahët brazilian Ramires e Willian - bllokohej lehtë nga dyshja e Rojiblancove, Miranda e Diego Godin. 

As loja e shpejtë s’bëri punè

Ndeshja u hap në pjesën e dytë, kur Terry u zënvedësua me Andre Schurrlen. E Diego Simeone futi në lojë Arda Turanin, që u rikthye nga lëndimi, në vend të brazilianit Diego. 

Sidoqoftë, përkundër se u shpejtua loja, Atletico Madrid mbeti duke kërkuar, e Chelsea duke tentuar nga ndonjë kundërsulm. 

Chelsea-it iu lëndua portieri Petr Cech në fillim të ndeshjes (minuta 18) dhe u zëvendësua detyrimisht nga veterani 41 vjeç, Mark Schwarzer - që tregoi aftësitë e tij në të shumtën e kohës. 

Atletico Madrid tregoi më shumë në këtë ndeshje, derisa finalisti do të përcaktohet pas ndeshjes së ardhshme që zhvillohet në Stamford Bridge, ku do të del një Chelsea tjetër sigurisht.