Me Suarezin s’ka problem, Atletico ruan distancën

Atletico Madrid ka arritur të shënojë fitore më vështirë sesa që është pritur ndaj Eibarit.

Por, falë sulmuesit uruguajan të ekipit Luis Suarez, madrilenët kanë arritur të marrin pikët e plota nga ndeshja për të mbajtur distancën në krye të tabelës ndaj ndjekësve të rrezikshëm, Real Madrid e Barcelona.

Portieri serb i Eibarit Marko Dimitrovic i dha epërsinë vendasve nga penalltia, ndërsa Suarez barazoi 5 minuta para fundit të pjesës së parë për të vulosur ndeshjen në minutën e parafundit nga penalltia për 1-2 përfundimtare [Dimitrovic 12p. - Suarez 40, 89p.].

Me fitore Atletico Madrid tash ka 7 pikë më shumë sesa ndjekësi i parë Real Madrid. Ndërsa ka 10 pikë më tepër sesa Barcelona që është e treta në renditje me 34 pikë.

Kujtojmë, Atletico Madrid ka një ndeshje më pak se të dyja këto skuadra.