Më të mirët e turneut

Pas fitores së Kilit ndaj Argjentinës në finale të Copa America, janë publikuar lojtarët më të mirë të turneut sipas pozitave. 

Kështu, portier më i mirë është përzgjedhur Claudio Bravo i Kilit, që mbron ngjyrat e Barcelonës në Spanjë. 

Pastaj, zbulim i turneut është përzgjedhur Jeison Murillo, futbollist i Kolumbisë, që u transferua te Inter këtë afat kalimtar. 

Derisa, golashënuesit më të mirë të turneut janë përzgjedhur Jose Paolo Guerrero i Perusë dhe Eduardo Vargas i Kilit - që shënuan nga katër gola në këtë edicion të Copa America. 

Ekipi më Fair-Play është përzgjedhur ai i Perusë.