Mësohen emrat e përforcimeve të huaja të Lirisë

Dy përforcimet e para ndërkombëtare të Lirisë të përfolura në ditët e mëparme, janë bërë të ditura nga menaxheri i ri i Lirisë, Rijat Shala. 

Mesfushori uruguajan, Giorginho Aguirre Fleitas (22 vjeç) dhe braziliani Ranieri Henrique De Melo (19 vjeç), do të jenë përforcimet e para të huaja nga klubi prizrenas për stinorin e ri. 

Njoftimin e ka dhënë Koha Ditore sot, derisa Shala ka bërë të ditur se dyshja në fjalë do të nënshkruajnë pa prova fare, pasi që janë lojtar cilësor. 

“Garantoj për cilësinë e Aguirres, ai është super lojtar,” ka thënë Shala për gazetën në fjalë sot. 

Përveç dy mesfushorëve në fjalë, Liria pret edhe dy italinë të afrohen në klub këto ditë, ku njëri është qendërmbrojtës, derisa tjetri sulmues klasik. 

Liria ditë më parë ka arritur marrëveshje me mesfushorin e Vëllaznimit, Alban Dylazeka. 

Liria i është kthyer pas dy stinorëve Superligës së Kosovës dhe po pretendon pjesën e epërme të tabelës.