BERSANT CELINA
Michael Owen uron Bersant Celinën
6 March, 2014 @21:09
Ndeshja e parë zyrtare ndërkombëtare e përfaqësueses së Kosovës të luajtur dje ndaj përfaqësueses së Haitit, i ka rënë në sy edhe ish futbollistit të njohur anglez, Michael Owen.
Owen nëpërmjet llogarisë së tij zyrtare në Twitter, ka uruar Bersant Celinën, i cili ishte pjesë e Kosovës në këtë ndeshje historike.
“Një tjetër djalosh i yni e bëri debutimin e tij ndërkombëtar sonte. Urime Bersant Celina që luajti në ndeshjen e parë ndërkombëtare të Kosovës,” ka shkruar Owen.
Për ndryshe, Celina megjithëse ka qenë pjesë e ekipit të Kosovës, nuk iu është dhënë rasti për të luajtur në këtë ndeshje nga përzgjedhësi Albert Bunjaki.
