Mignolet me të ardhme

Belgu Simon Mignolet ka nënshkruar kontratë të re 5 vjeçare me ekipin e Liverpoolit sot, që e mban atë në klub deri në fund të stinorit 2020/21. 

Mignolet gjatë vitit 2015 ka pasur portën e paprekur më shumë se çdo portier tjetër në elitën angleze, duke e mbajtur atë 15 herë të patundur. 

“Jam karakter që dëshiron të bëhet lider. Flas me ekipin në zhveshtore dhe i ndihmoj mbrojtjes në lojë,” ka thënë ai për faqen zyrtare të klubit pas nënshkrimit të kontratës së re me klubin. 

Portieri 27 vjeç kishte ardhur nga Sunderlandi në vitin 2013 për 9 milionë funta te Liverpooli, prej kur ka regjistruar 122 paraqitje te ekipi nga Anfield Road.