VINCENZO MONTELLA
Milan bllokon Montellën
28 December, 2017 @10:19
Mediat spanjolle vetëm presin zyrtarizimin e trajnerit të ri të Sevillës.
Ai pritet të jetë italiani, Vincenzo Montella. Mirëpo, sipas Marcas një gjë e tillë ende nuk po ndodh për shkak se Milan me Montellën nuk e kanë shkëputur plotësisht kontratën.
Montella, që u shkarkua në fund të nëntorit nga Milan, ka edhe një pikë në kontratë që mundëson rikthimin e tij gjatë këtij stinori te rossonerët, në kontratën me afat deri në vitin 2019.
Trajneri 43 vjeçar, Montella, pritet të zë vendin e Eduardo Berizzos te Sevilla, nëse jo deri në fund të këtij viti, në janar të vitit të ardhshëm gjithsesi, thekson Marca.
