MEDIA MIX
Milan jep 20 mln € për Bertolaccin
25 June, 2015 @23:55
Andrea Bertolacci 24 vjeçar pritet të bëhet përforcimi i parë i Milanit të Sinisa Mihajlovicit, ka bërë të ditur Gazzetta dello Sport.
Bertolacci ka qenë në pronësi të Genoas dhe Romës me nga 50% të drejtë te lojtari, derisa romakët e blenë së fundi në tërësi kartonin e tij.
Rreth 20 milionë €
Milan pritet të paguajë 20 milionë euro në arkë të Romës për blerjen e tij, derisa Sky Sport Italia në edicionin e fundit të lajmeve raportoi për 15 milionë + 5 milionë tjera si bonuse.
Vetë mesfushori 24 vjeçar pritet të përfitojë 2 milionë euro + bonuse, e GdS shkruan për 1.5 milionë + bonuse.
Trajneri pret zyrtarizimin
“Do të jem i lumtur nëse do ta kem Bertolaccin në ekip. Ai meriton Milanin. Nëse zyrtarizohet në disa ditë atëherë do të komentojë më shumë për lojtarin, por për momentin nuk është lojtar i jonë,” ka thënë Mihajlovic për Sky Sport Italia sonte.
Bertolacci konsiderohet të jetë lojtari më perspektiv për moshën që ka në Itali. Ai ka shënuar 6 gola dhe ka regjistruar 8 asistime për Genoan në stinorin që shkoi.
