Milan, nuk ndalet!

Nxënësit e Massimiliano Allegrit kanë kryer punën në Luigi Ferraris për mrekulli sonte.

Një gol tepër i bukur nga Giampaolo Pazzini ka prishur qetësinë e rrjetave, pasi që Pazzo ka shkundur tërthorëzen dhe ka gjetur rrjetën për 1-0 në pjesën e parë. Ndërsa në pjesën e dytë, Mario Balotelli, u gjend më së miri në zonë të rrezikshme xhenoviane dhe pranoi një top nga Cristian Zapata, duke i lënë mbrojtësit pas tij ku shënoi me lehtësi për 2-0.

E vetmja gjë tjetër që duhet të përmendet është kartoni i kuq i mesfushorit guinean, Kevin Constant, i cili pas golit të Balotellit u ndëshkua me kartonin e dytë të verdhë dhe u përjashtua.

Me fitoren e sontme, Milan tani është plotësisht gati për sfidën e vitit ndaj Barcelonës në Ligën e Kampionëve, duke fjetur rehat këtë fundjavë pasi që askush s’mund t’ia rrezikojë vendin e tretë në Serie A. 

REZULTATI: