Minimalisht Fenerbahçe

​Në ndeshjen e parë të fazës së 1/8 mes Fenerbahçes e Bragas, fituese doli skuadra turke. Ndeshja në përgjithësi kaloi me pak raste konkrete për shënim, mirëpo në mundësinë e parë serioze, mesfushori Mehmet Topal nuk gaboi para portës kundërshtare. I njëjti lojtari kishte shënuar edhe në xhiron e kaluar ndaj Lokomotivës së Moskës në ndeshjen e zhvilluar në Rusi.

Kjo fitore bën që Feneri të udhëtojë me një avantazh të lehtë javën e ardhshme në ndeshjen kthyese në Portugali. Me Galatasarayn e eliminuar, Fenerbahçe mbetet skuadra e vetme turke në garat evropiane këtë sezon.

Megjithatë gjithçka mbetet e hapur në ndeshjen e kthimit, duke marrë parasysh që Braga njihet si skuadër e fortë në ndeshjet si vendas.

GOL 1-0 Mehmet Topal GOAL - Fenerbahce vs Braga… by livegoalshd