Miqësorja e radhës për Lirinë, ndaj Ferizajit

Skuadra e Lirisë do të luajë edhe një miqësore të radhës pas humbjes së regjistruar ndaj Rahovecit ditë më parë, në kuadër të përgatitjeve për sezonin e ri të Ligës së Parë.

Kundërshtari i radhës i Lirisë do të jetë Ferizaji, që ka hyrë fuqishëm në përgatitje për sezonin e ri, duke bërë rifreskime në skuadër prej kryetarit e deri te njeriu i fundit në klubit.

Prizrenasit në anën tjetër nuk është se janë në gjendje të mirë financiare për sezonin e ri dhe disa lojtarë të saj veçse janë larguar nga skuadra.

Së fundi, Liria u mposht nga Rahoveci në miqësoren e zhvilluar në Përparim Thaqi të Prizrenit 0-2. Në anën tjetër Ferizaji ka luajtur miqësore me ekipet e Superligës si Llapi e Feronikeli dhe nuk është mposhtur në asnjërën prej tyre.

Ndeshja mes Lirisë dhe Ferizajit do të zhvillohet në Përparim Thaqi të Prizrenit, të mërkurën më 18 gusht me fillim prej orës 17:30.

Derisa Liria garon në Ligën e Parë A të Kosovës, Ferizaji është pjesë e Ligës së Parë B të Kosovës. Fituesi i secilës ligë siguron Superligën në edicionin e radhës, 2022/23.