NDESHJA E JAVËS

REUTERS/Darren Staples

Misioni i radhës

5 March, 2013 @10:14

Manchester Utd – Real Madrid në këtë ndeshje futen në formën më të mirë dhe të dyja skuadrat treguan spekatël që në fazën e parë të Ligës së Kampionëve.

Alex Ferguson para ndeshjes, është shprehur që skuadra e tij nuk është aspak e friksuar nga forma që po e kalon Reali i Madridit.

Real Madridi udhëton në Old Trafford për ta zhvilluar ndeshjen e kthimit në Ligën e Kampionëve, pas 2 fitoreve mbrenda dy javëve kundër rivalit të përbetuar, Barcelonës, që përkthyer në gjuhën e futbollit, i bie që madrilenët janë të stërmotivuar, para ndeshjes me Manchester Unitedin.

Mirëpo, megjithatë Fergie beson se skuadra e Jose Mourinhos ka arritur kulmin e motivimit më herët sesa që duhet, para ndeshjes e cila edhepse i jep një perparësi të vogël anglezve, nuk na lejon që të bëjmë parashikime.

“Nuk ma merr mendja që do ta arrijnë këtë kulm të motivimit këtë të martë,” tha Ferguson.

“Ishte me të vërtetë performacë e jashtëzakonshme, sidomos kundërsulmet.”

“Ne jemi përkujdesur për këtë gjë dhe kemi punuar mjaft në këtë aspekt dhe t’ju them të drejtën, besoj se do të shënojmë, sinqerisht. Megjithatë ata do të luajnë lojën e tyre dhe ne duhet të mundohemi gjithashtu ta bëjmë të njejtën gjë.”

Mbretërit në formë

Në anën tjetër, ndeshja e sontme duhet të jetë shumë e rëndësishme edhe për Cristiano Ronaldon i cili do të luaj për herë të parë në Old Trafford që nga kalimi i tij në Real Madrid në 2009 dhe Ferguson e njeh shumë mirë ish-mesfushorin e tij dhe aftësitë e tija, edhe pse u mbajt mjaft mirë nga Phil Jones ai megjithatë arritë të shënojë në duelin e parë.

Në pyetjen se si do të mundohet ta ndalë Ronaldon kësaj rradhe, Fergusoni me humor tha: “E kam një plan, quhet thika. Ndërsa plani B është një pushkë automatike!”

Në ndeshjen e zhvilluar në fundjavën që sapo e lamë pas, Manchesteri shënoi fitore me rezultat 4-1 dhe nuk besohet se do të ketë shumë ndryshime në formacion.

Ndeshja e sontme gjithashtu do të jetë ndeshje jubilare, e 1000-ta për mesfushorin veteran Ryan Giggs.

Përveç ksaj Shinji Kagawa gjitashtu arriti ta shënoj hat-trickun e parë prej se erdhi nga Dortmundi, ndërsa edhe Rooney ishte në listën e shënuesve me një golë të bukur, gjë që shtyjnë edhe vet Fergusonin të besojë se skuadra e tij do të shënojë sonte.

Në anën tjeter, Ronaldo dhe shokët e tij të sulmit, që po kalojnë një formë të jashtëzakonshme, janë të gatshëm për ndeshjen e sontme, plus Ronaldo është mirë i pushuar ngase në ndeshjen e fundit luajti vetëm 40 minuta. Se çka do të bëjë vaki sonte, nuk e dimë, por diçka është e sigurtë, cilido ekip do të kualifikohet atë do ta meritojë.