CARLOS CARVALHAL
‘Mjellmat’ zyrtarizojnë trajnerin e ri
28 December, 2017 @13:09
Pas largimit të trajnerit të deritashëm të ekipit, Paul Clement, me datë 20 dhjetor, skuadra e Swanseat, ka zyrtarizuar trajnerin e ri të saj.
Carlos Carvalhal është trajneri i ri i Swanseat, vetëm tre ditë pasi që u largua nga posti i trajnerit të Sheffield Wednesdayit në Championship.
Portugezi 52 vjeçar që më parë ka bërë karrierë në elitën portugeze, kishte kaluar prej Sportingut të Lisbonës te Besiktas i Stambollit, ndërsa prej Istanbul Basaksehir në Sheffield, ku kaloi dy vitet e fundit.
TABELA AKTUALE E PREMIER LEAGUE
Swansea pas 20 ndeshjeve të zhvilluara këtë stinor ka grumbulluar vetëm 13 pikë dhe ka arritur të shënojë vetëm tre fitore.
“Mjellmat” janë në pozitën e fundit të elitës dhe seriozisht të rrezikuar për rënie në Championship këtë stinor.
Në ditën e parafundit të këtij viti, Swansea do të jetë mysafir në Vicarage Road.
