FA CUP
Momenti i Celinës?
20 February, 2016 @21:38
U inkuadrua nga banka rezervë ndaj Leicesterit dhe pak minuta pas inkuadrimit dhuroi një asistim. Kjo ishte përvoja e parë e Bersant Celinës në Premier League dhe mediat angleze menjëherë filluan të shkruajnë për të.
Në anën tjetër disa lëndime në formacionin bazë të Manchester Cityt dhe kalendari i ngjeshur i ndeshjeve mund të jenë fat i mirë për anëtarin e Përfaqësueses së Kosovës që të jetë startues për herë të parë pikërisht në ndeshjen e kësaj fundjave në FA Cup ndaj Chelseat.
Pellegrini deklaroi para pak ditësh se beson shumë tek talenti i prizrenasit dhe momenti i tij do të vijë shpejt, mirëpo se a do të jetë startues pikërisht ndaj Chelseat mbetet të shihet.
