Relativisht i kënaqur

Nisën pranverën si zjarr, me fitore të thellë, bindëse dhe kalim në rrethin tjetër të Kupës së Kosovës. 

Por, kjo nuk e kënaqi plotësisht trajnerin e Prishtinës, Sami Sermaxhaj. 

“Jam relativisht i kënaqur nga përforcimet, loja dhe angazhimi dhe serioziteti, duke kuptuar të gjithë se fanella e Prishtinës është pak më ndryshe,” ka thënë ai për faqen zyrtare të Prishtinës. 

“Fanella e Prishtinës kërkon më shumë përgjegjësi, por duhet punuar edhe shumë për të ngritur nivelin e lojës,” ka thënë ndër të tjera Sermaxhaj sot. 

Prishtina mposhti Istogun 5-1 ndërsa përforcimet si Kreshnik Lushtaku, pastaj i rikthyeri Dren Gashi u treguan mjaft në ndeshje, ndërsa Sermaxhaj ka shtuar se Prishtina do të bëhet më e fortë me kohë.