STADE LOUIS II
Monaco mposht kampionin
28 August, 2016 @22:40
Me rezultat 3-1 ka përfunduar dueli kryesor i Ligue 1 për këtë xhiro.
Kampioni në fuqi, Parisi, është mposhtur nga Monaco, skuadër e cila serinë e golave e hapi qysh në minutën e 13’ me golin e portugezit Moutinho. Epërsia u dyfishua nga pika e bardhë nga mbrojtësi Fabinho, ndërsa parisienët epërsinë e ngushtuan përmes uruguajanit Edinson Cavani.
Kur u mendua se Parisi do të kthehej në lojë, Monaco e gjeti golin e tretë dhe të sigurisë dhe ndeshja u mbyll me shifrat 3-1.
Pas 3 xhirove, Monaco ka 7 pikë, ndërsa Parisi mbetet me 6.
