Monaco s’mban hapin

Monacoja përkundër investimeve të mëdha nuk po arrin ta mbajë hapin me Paris St Germainin në krye të tabelës së ligës elite françeze. 

Djelmoshat e Claudio Ranierit nuk kanë arritur të mposhtin sot Lorientin, derisa iu është dashur një gol në minutat e fundit të takimit nga mbrojtësi Layvin Kurzawa për të shpëtuar me një pikë nga ndeshja. 

Lorient që është në mesin e tabelës ka qenë dy herë në avantazh gjatë ndeshjes, derisa Monaco dy herë ka barazuar për rezultatin përfundimtar 2-2. 

Sulmuesi bullgar i ardhur rishtaz në Monaco, Dimitar Berbatov, nuk ka qenë fare në formacion sot e as në bankën rezervë, derisa sulmuesi më i mirë i ekipit nga Principata, Radamel Falcao, mbetet i lënduar edhe për disa muaj. 

Rezultatet dhe tabela aktuale.