S’kemi fat

Pas humbjes së sotme nga Stoke City, përsëri shënjestër ka qenë trajneri që s’po i ecën si duhet në Manchester United, David Moyes. 

“Kemi luajtur mirë sot. Definitivisht nuk kemi fat, por edhe duhet të kritikojmë veten për rastet e humbura. Mendoj se kemi luajtur futboll të mirë. Goli i tyre ka qenë një devijim i topit dhe kjo tregon se sa kemi fat. Thjesht, s’po na shkon,” ka thënë Moyes, transmeton faqja zyrtare e djajve të kuq fjalët e trajnerit pas ndeshjes së humbur nga Stoke City. 

Manchester United ka bërë transferin më të shtrenjtë në histori të klubit duke e sjellë mesfushorin spanjoll Juan Mata gjatë këtij afati kalimtar, derisa edhe dyshja ofanzive, Robin Van Persie e Wayne Rooney, janë kthyer nga lëndimet.