BESIKTAS
Mund të debutojë këtë fundjavë
19 January, 2018 @14:31
Qendërmbrojtësi kroat, do të mund të debutojë këtë fundajvë për ekipin e tij të ri, Besiktas.
Njoftimin e kanë dhënë mediat turke pak më parë, pasi që reprezentuesi kroat, Domagoj Vida, ka përfunduar të gjitha obligimet sipas Rregullores për regjistrim të lojtarëve të ri në Superligën turke.
Vida 29 vjeç, erdhi këtë muaj te Besiktasi nga Dynamo Kievi ukrainas si lojtar i lirë.
Besiktas, që është kampion në fuqi i Turqisë dhe ka siguruar fazën pranverore të Ligës së Kampionëve, në fundjavë do të luajë ndaj Antalyasporit.
